ਉੱਤਰੀ ਅਮਰੀਕੀ ਦੇ ਮੈਕਸੀਕੋ 'ਚ ਚੱਕਰਵਾਤੀ ਤੂਫਾਨ ਨੇ ਮਚਾਈ ਤਬਾਹੀ, ਸਰਕਾਰ ਨੇ ਐਡਵਾਈਜ਼ਰੀ ਕੀਤੀ ਜਾਰੀ
ਮੁਹਾਲੀ- ਉੱਤਰੀ ਅਮਰੀਕੀ ਦੇਸ਼ ਮੈਕਸੀਕੋ ਵਿੱਚ ਇੱਕ ਭਿਆਨਕ ਚੱਕਰਵਾਤੀ ਤੂਫਾਨ ਨੇ ਭਾਰੀ ਤਬਾਹੀ ਮਚਾਈ ਹੈ। ਇਹ ਸ਼੍ਰੇਣੀ 4 ਦਾ ਤੂਫਾਨ ਓਆਕਸਾਕਾ ਰਾਜ ਦੇ ਤੱਟ ਨਾਲ ਟਕਰਾਇਆ। ਭਾਰਤ ਤੋਂ ਲਗਭਗ 15000 ਕਿਲੋਮੀਟਰ ਦੂਰ ਸਥਿਤ ਮੈਕਸੀਕੋ ਵਿਚ ਹਰੀਕੇਨ ਏਰਿਕ 200 ਕਿਲੋਮੀਟਰ ਪ੍ਰਤੀ ਘੰਟਾ ਦੀ ਰਫ਼ਤਾਰ ਨਾਲ ਲੈਂਡਫਾਲ ਹੋਇਆ ਹੈ। ਇਸ ਨਾਲ ਪ੍ਰਭਾਵਿਤ ਖੇਤਰਾਂ ਵਿੱਚ ਵਿਆਪਕ ਤਬਾਹੀ ਮਚ ਗਈ ਹੈ। ਮੈਕਸੀਕੋ ਵਿੱਚ ਸਥਿਤੀ ਅਜਿਹੀ ਬਣ ਗਈ ਹੈ ਕਿ ਸਰਕਾਰ ਨੂੰ ਇੱਕ ਐਡਵਾਈਜ਼ਰੀ ਜਾਰੀ ਕਰਨੀ ਪਈ ਅਤੇ ਲੋਕਾਂ ਨੂੰ ਆਪਣੇ ਘਰਾਂ ਦੇ ਅੰਦਰ ਰਹਿਣ ਦੀ ਸਲਾਹ ਦਿੱਤੀ ਗਈ ਹੈ। ਇਸ ਤੋਂ ਇਲਾਵਾ, ਸਕੂਲ ਬੰਦ ਕਰਨ ਦਾ ਆਦੇਸ਼ ਜਾਰੀ ਕੀਤਾ ਗਿਆ। ਹਰੀਕੇਨ ਏਰਿਕ ਦੇ ਰਸਤੇ ‘ਤੇ ਹਰ ਤਰ੍ਹਾਂ ਦੀਆਂ ਗਤੀਵਿਧੀਆਂ ਨੂੰ ਤੁਰੰਤ ਪ੍ਰਭਾਵ ਨਾਲ ਮੁਅੱਤਲ ਕਰ ਦਿੱਤਾ ਗਿਆ। ਇਸ ਦੇ ਨਾਲ ਹੀ ਬੀਚ ਉਤੇ ਜਾਣ ‘ਤੇ ਵੀ ਪਾਬੰਦੀ ਲਗਾ ਦਿੱਤੀ ਗਈI ਚੱਕਰਵਾਤ ਏਰਿਕ ਕਾਰਨ ਵਿਆਪਕ ਨੁਕਸਾਨ ਹੋਣ ਦੀ ਸੰਭਾਵਨਾ ਹੈ, ਜਿਸ ਦਾ ਇਸ ਸਮੇਂ ਮੁਲਾਂਕਣ ਕੀਤਾ ਜਾ ਰਿਹਾ ਹੈ। ਜਦੋਂ ਹਰੀਕੇਨ ਏਰਿਕ ਮੈਕਸੀਕੋ ਦੇ ਓਆਕਸਾਕਾ ਸੂਬੇ ਵਿੱਚ ਲੈਂਡਫਾਲ ਹੋਇਆ ਸੀ, ਤਾਂ ਇਹ ਇੱਕ ਖਤਰਨਾਕ ਸ਼੍ਰੇਣੀ-3 ਤੂਫਾਨ ਬਣ ਗਿਆ ਸੀ।
ਹਾਲਾਂਕਿ, ਪਹਾੜੀ ਖੇਤਰਾਂ ਨਾਲ ਟਕਰਾਉਣ ਤੋਂ ਬਾਅਦ ਤੂਫਾਨ ਦੀ ਤੀਬਰਤਾ ਤੇਜ਼ੀ ਨਾਲ ਘਟਣੀ ਸ਼ੁਰੂ ਹੋ ਗਈ ਹੈ ਅਤੇ ਸ਼ੁੱਕਰਵਾਰ ਸਵੇਰ ਤੱਕ ਇਸ ਦੇ ਪੂਰੀ ਤਰ੍ਹਾਂ ਖਤਮ ਹੋਣ ਦੀ ਉਮੀਦ ਹੈ। ਹਰੀਕੇਨ ਏਰਿਕ ਕਾਰਨ ਭਾਰੀ ਮੀਂਹ ਪਿਆ ਹੈ। ਇਸ ਕਾਰਨ ਓਆਕਸਾਕਾ, ਗੁਆਰੇਰੋ ਅਤੇ ਚਿਆਪਾਸ ਰਾਜਾਂ ਵਿੱਚ ਹੜ੍ਹ ਦੀ ਸਥਿਤੀ ਪੈਦਾ ਹੋ ਗਈ ਹੈ। ਜ਼ਮੀਨ ਖਿਸਕਣ ਦੀ ਸੰਭਾਵਨਾ ਵੀ ਵਧ ਗਈ ਹੈ।
Leave a Reply
Your email address will not be published. Required fields are marked *
Search
Category
