ਵੱਡੀ ਖਬਰ : ਅਮਰੀਕਾ ਨੇ ਕਈ ਬ੍ਰਾਜ਼ੀਲੀ ਅਧਿਕਾਰੀਆਂ ਦੇ ਵੀਜ਼ੇ ਕੀਤੇ ਰੱਦ
ਮੁਹਾਲੀ : ਅਮਰੀਕਾ ਨੇ ਕਿਊਬਾ ਦੀ ਕਿਰਤ ਨਿਰਯਾਤ ਯੋਜਨਾ ਵਿੱਚ ਕਥਿਤ ਸ਼ਮੂਲੀਅਤ ਕਾਰਨ ਕਈ ਬ੍ਰਾਜ਼ੀਲੀ ਸਰਕਾਰੀ ਅਧਿਕਾਰੀਆਂ ਦੇ ਵੀਜ਼ੇ ਰੱਦ ਕਰ ਦਿੱਤੇ ਹਨ। ਦੱਸ ਦੇਈਏ ਕਿ ਉਨ੍ਹਾਂ 'ਤੇ ਵੀਜ਼ਾ ਪਾਬੰਦੀਆਂ ਲਗਾ ਦਿੱਤੀਆਂ ਹਨ। ਇੱਕ ਬਿਆਨ ਵਿੱਚ ਇਹ ਜਾਣਕਾਰੀ ਦਿੰਦੇ ਹੋਏ, ਅਮਰੀਕਾ ਦੇ ਵਿਦੇਸ਼ ਵਿਭਾਗ ਨੇ ਕਿਹਾ ਕਿ, 'ਅੱਜ, ਵਿਦੇਸ਼ ਵਿਭਾਗ ਨੇ ਕਿਊਬਾ ਸਰਕਾਰ ਦੀ ਕਿਰਤ ਨਿਰਯਾਤ ਯੋਜਨਾ ਵਿੱਚ ਸ਼ਾਮਲ ਹੋਣ ਲਈ ਕਈ ਬ੍ਰਾਜ਼ੀਲੀ ਸਰਕਾਰੀ ਅਧਿਕਾਰੀਆਂ, ਸਾਬਕਾ ਪੈਨ ਅਮਰੀਕਨ ਸਿਹਤ ਸੰਗਠਨ ਅਧਿਕਾਰੀਆਂ ਅਤੇ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰਾਂ 'ਤੇ ਵੀਜ਼ਾ ਰੱਦ ਕਰਨ ਅਤੇ ਵੀਜ਼ਿਆ ਉੱਤੇ ਪਾਬੰਦੀਆਂ ਲਗਾਉਣ ਲਈ ਕਦਮ ਚੁੱਕੇ ਹਨ।
ਇਹ ਅਧਿਕਾਰੀ ਕਿਊਬਾ ਸਰਕਾਰ ਦੀ ਲਾਜ਼ਮੀ ਕਿਰਤ
ਨਿਰਯਾਤ ਯੋਜਨਾ ਨੂੰ ਉਤਸ਼ਾਹਿਤ ਕਰਨ ਵਿੱਚ ਸ਼ਾਮਲ ਸਨ। ਜੋ ਕਿ ਕਿਊਬਾ ਦੇ ਮੈਡੀਕਲ ਕਰਮਚਾਰੀਆਂ ਦਾ ਜ਼ਬਰਦਸਤੀ ਮਜ਼ਦੂਰੀ ਰਾਹੀਂ ਸ਼ੋਸ਼ਣ
ਕਰਦੀ ਹੈ। ਅਮਰੀਕਾ ਦੇ ਵਿਦੇਸ਼ ਵਿਭਾਗ ਨੇ ਮੋਜ਼ਾਰਟ ਜੂਲੀਓ ਤਾਬੋਸਾ ਸੇਲਜ਼ ਅਤੇ ਅਲਬਰਟੋ ਕਲੇਮੰਸ
ਦੇ ਵੀਜ਼ੇ ਰੱਦ ਕਰ ਦਿੱਤੇ ਹਨ। ਇਹ ਦੋਵੇਂ ਬ੍ਰਾਜ਼ੀਲੀ ਸਿਹਤ ਮੰਤਰਾਲੇ ਵਿੱਚ ਮਾਸ ਮੈਡੀਕੋਸ ਪ੍ਰੋਗਰਾਮ ਵਿੱਚ ਕੰਮ
ਕਰ ਰਹੇ ਸਨ।
Leave a Reply
Your email address will not be published. Required fields are marked *
Search
Category
