ਜੰਮੂ-ਕਸ਼ਮੀਰ ਵਿੱਚ ਲਸ਼ਕਰ ਕਮਾਂਡਰ ਜ਼ਾਕਿਰ ਅਹਿਮਦ ਢੇਰ
ਜੰਮੂ-ਕਸ਼ਮੀਰ ਦੇ ਸ਼ੋਪੀਆਂ ਵਿੱਚ ਸੁਰੱਖਿਆ ਬਲਾਂ ਨਾਲ ਮੁਠਭੇੜ ਵਿੱਚ ਲਸ਼ਕਰ-ਏ-ਤੋਇਬਾ (LeT) ਦਾ ਟਾਪ ਕਮਾਂਡਰ ਜ਼ਾਕਿਰ ਅਹਿਮਦ ਗਨੀ ਮਾਰਿਆ ਗਿਆ। ਬੁੱਧਵਾਰ ਨੂੰ ਸੁਰੱਖਿਆ ਬਲਾਂ ਨੇ ਉਸ ਦੀ ਲਾਸ਼ ਬਰਾਮਦ ਕੀਤੀ।ਅੱਤਵਾਦੀਆਂ ਦੇ ਲੁਕੇ ਹੋਣ ਦੀ ਸੂਚਨਾ ਮਿਲਣ ਤੋਂ ਬਾਅਦ ਸੈਨਾ ਨੇ ਸ਼ਨੀਵਾਰ ਸ਼ਾਮ ਚਨਾਪੋਰਾ ਇਲਾਕੇ ਵਿੱਚ ਆਪ੍ਰੇਸ਼ਨ ਸ਼ੁਰੂ ਕੀਤਾ ਸੀ। ਆਪ੍ਰੇਸ਼ਨ ਦੇ ਪੰਜਵੇਂ ਦਿਨ ਜ਼ਾਕਿਰ ਗਨੀ ਦੀ ਲਾਸ਼ ਬਰਾਮਦ ਹੋਈ। ਇੱਕ ਹੋਰ ਅੱਤਵਾਦੀ ਲਤੀਫ਼ ਭੱਟ ਦੇ ਲੁਕੇ ਹੋਣ ਦਾ ਖ਼ਦਸ਼ਾ ਹੈ।ਜ਼ਾਕਿਰ ਗਨੀ ਉਨ੍ਹਾਂ 14 ਅੱਤਵਾਦੀਆਂ ਦੀ ਸੂਚੀ ਵਿੱਚ ਸ਼ਾਮਲ ਸੀ, ਜਿਸ ਨੂੰ ਪਹਿਲਗਾਮ ਅੱਤਵਾਦੀ ਹਮਲੇ ਤੋਂ ਬਾਅਦ ਸੁਰੱਖਿਆ ਏਜੰਸੀਆਂ ਨੇ ਜਾਰੀ ਕੀਤਾ ਸੀ। ਇਹ ਸਾਂਝਾ ਆਪ੍ਰੇਸ਼ਨ ਜੰਮੂ-ਕਸ਼ਮੀਰ ਪੁਲਿਸ ਦੇ ਸਪੈਸ਼ਲ ਆਪ੍ਰੇਸ਼ਨ ਗਰੁੱਪ (SOG), ਸੈਨਾ ਦੀ ਰਾਸ਼ਟਰੀ ਰਾਈਫਲਜ਼ (RR) ਅਤੇ CRPF ਨੇ ਮਿਲ ਕੇ ਚਲਾਇਆ।
ਅੱਤਵਾਦੀਆਂ ਦੇ ਖ਼ਿਲਾਫ਼ 5 ਦਿਨਾਂ ਤੋਂ ਆਪ੍ਰੇਸ਼ਨ ਜਾਰੀ
ਅੱਤਵਾਦੀਆਂ ਦੇ ਲੁਕੇ ਹੋਣ ਦੀ ਖੁਫ਼ੀਆ ਸੂਚਨਾ ਮਿਲਣ ਤੋਂ ਬਾਅਦ ਸ਼ਨੀਵਾਰ ਸ਼ਾਮ ਤੋਂ ਚਨਾਪੋਰਾ ਇਲਾਕੇ ਵਿੱਚ ਘੇਰਾਬੰਦੀ ਕਰਕੇ ਸਰਚ ਆਪ੍ਰੇਸ਼ਨ (ਤਲਾਸ਼ੀ ਮੁਹਿੰਮ) ਸ਼ੁਰੂ ਕੀਤਾ ਗਿਆ ਸੀ।
ਇਸ ਆਪ੍ਰੇਸ਼ਨ ਵਿੱਚ ਸੈਨਾ ਦੀ 44 ਆਰ.ਆਰ., 20 ਆਰ.ਆਰ., 34 ਆਰ.ਆਰ., 55 ਆਰ.ਆਰ., 3 ਪੈਰਾ, ਜੰਮੂ-ਕਸ਼ਮੀਰ ਪੁਲਿਸ ਦੇ ਸਪੈਸ਼ਲ ਆਪ੍ਰੇਸ਼ਨ ਗਰੁੱਪ (SOG) ਅਤੇ CRPF ਦੀਆਂ 14 ਤੇ 178 ਬਟਾਲੀਅਨਾਂ ਸ਼ਾਮਲ ਹਨ।
ਸੈਨਾ ਦੀ ਖ਼ਾਸ ਐਂਟੀ-ਟੈਰੋਰਿਜ਼ਮ ਯੂਨਿਟ, ‘ਵਿਕਟਰ ਫੋਰਸ’ ਨੇ ਬਾਗ਼ ਦੇ ਘਣੇ ਦਰੱਖਤਾਂ ਵਿਚਾਲੇ ਭੱਜਣ ਦੇ ਸਾਰੇ ਸੰਭਾਵਿਤ ਰਸਤਿਆਂ ਨੂੰ ਬੰਦ ਕਰਨ ਲਈ ਵਾਧੂ ਜਵਾਨ ਤਾਇਨਾਤ ਕੀਤੇ ਅਤੇ ਇਲਾਕੇ ਵਿੱਚ ਰੋਸ਼ਨੀ ਦਾ ਪ੍ਰਬੰਧ ਵੀ ਕੀਤਾ। ਸੁਰੱਖਿਆ ਬਲ ਪਿਛਲੇ ਕਈ ਦਿਨਾਂ ਤੋਂ ਪਿੰਡਾਂ ਅਤੇ ਆਸ-ਪਾਸ ਦੇ ਇਲਾਕਿਆਂ ਵਿੱਚ ਲਗਾਤਾਰ ਤਲਾਸ਼ੀ ਮੁਹਿੰਮ ਚਲਾ ਰਹੇ ਹਨ।
ਕੁਲਗਾਮ ਦਾ ਰਹਿਣ ਵਾਲਾ ਸੀ ਜ਼ਾਕਿਰ
ਸੂਤਰਾਂ ਮੁਤਾਬਕ, ਜ਼ਾਕਿਰ ਕੁਲਗਾਮ ਦੇ ਮਤਲਹਾਮਾ ਦਾ ਰਹਿਣ ਵਾਲਾ ਸੀ। ਉਹ 2023 ਤੋਂ ਦੱਖਣੀ ਕਸ਼ਮੀਰ ਅਤੇ ਪੀਰ ਪੰਜਾਲ ਖੇਤਰ ਵਿੱਚ ਸਰਗਰਮ ਸੀ। ਜ਼ਾਕਿਰ ਦਾ ਨਾਂ ਪਾਕਿਸਤਾਨ ਨਾਲ ਜੁੜੇ ਕਈ ਅੱਤਵਾਦੀ ਹਮਲਿਆਂ ਨਾਲ ਵੀ ਜੁੜਿਆ ਹੋਇਆ ਸੀ।
ਅਕਤੂਬਰ 2025 ਵਿੱਚ NIA ਅਦਾਲਤ ਨੇ ਇਹਨਾਂ ਖ਼ਿਲਾਫ਼ ਨੋਟਿਸ ਜਾਰੀ ਕੀਤਾ ਸੀ ਅਤੇ ਹਾਲ ਹੀ ਵਿੱਚ ਉਸ ਦਾ ਨਾਂ ਅਪ੍ਰੈਲ 2026 ਦੇ ਪਹਿਲਗਾਮ ਅੱਤਵਾਦੀ ਹਮਲੇ ਦੀ ਜਾਂਚ ਨਾਲ ਵੀ ਜੁੜਿਆ ਸੀ। ਪਹਿਲਗਾਮ ਹਮਲੇ ਤੋਂ ਬਾਅਦ ਸੁਰੱਖਿਆ ਏਜੰਸੀਆਂ ਨੇ ਕਸ਼ਮੀਰ ਵਿੱਚ 14 ਅੱਤਵਾਦੀਆਂ ਦੀ ਸੂਚੀ ਜਾਰੀ ਕੀਤੀ ਸੀ ਅਤੇ ਉਨ੍ਹਾਂ ਦੇ ਘਰ ਵੀ ਢਾਹ ਦਿੱਤੇ ਗਏ ਸਨ।
ਸੁਰੱਖਿਆ ਰਿਕਾਰਡ ਮੁਤਾਬਕ, ਜ਼ਾਕਿਰ 2024 ਤੋਂ ਲਸ਼ਕਰ-ਏ-ਤੋਇਬਾ ਨਾਲ ਜੁੜਿਆ ਹੋਇਆ ਹੈ, ਜਦਕਿ ਲਤੀਫ਼ ਪਿਛਲੇ ਸਾਲ LeT ਵਿੱਚ ਸ਼ਾਮਲ ਹੋਇਆ ਸੀ।
14 ਸਥਾਨਕ ਅੱਤਵਾਦੀਆਂ ਵਿੱਚੋਂ 9 ਮਾਰੇ ਗਏ, ਹੁਣ 5 ਦੀ ਭਾਲ …ਜੇਕਰ ਜ਼ਾਕਿਰ ਗਨੀ ਦੀ ਮੌਤ ਦੀ ਪੁਸ਼ਟੀ ਹੋ ਜਾਂਦੀ ਹੈ, ਤਾਂ ਉਹ 9ਵਾਂ ਅੱਤਵਾਦੀ ਹੋਵੇਗਾ ਜਿਸ ਨੂੰ ਸੁਰੱਖਿਆ ਬਲਾਂ ਨੇ ਮਾਰ ਮੁਕਾਇਆ ਹੈ। ਜਿਨ੍ਹਾਂ 14 ਅੱਤਵਾਦੀਆਂ ਦੀ ਲਿਸਟ ਜਾਰੀ ਕੀਤੀ ਗਈ ਸੀ, ਜ਼ਾਕਿਰ ਗਨੀ ਨੂੰ ਮਿਲਾ ਕੇ ਉਨ੍ਹਾਂ ਵਿੱਚੋਂ ਹੁਣ ਤੱਕ 9 ਮਾਰੇ ਜਾ ਚੁੱਕੇ ਹਨ। 6 ਅੱਤਵਾਦੀ ਮਈ 2025 ਵਿੱਚ ਸ਼ੋਪੀਆਂ ਅਤੇ ਪੁਲਵਾਮਾ ਵਿੱਚ ਐਨਕਾਊਂਟਰ ਦੌਰਾਨ ਮਾਰੇ ਗਏ ਸਨ।
