ਅਦਾਕਾਰ ਅਤੇ ਪੰਜਾਬੀ ਗਾਇਕ ਪਰਮੀਸ਼ ਵਰਮਾ ਆਪਣੀ ਪੰਜਾਬੀ ਫ਼ਿਲਮ ਸ਼ੇਰਾ ਨੂੰ ਲੈ ਕੇ ਚਰਚਾ ਦੇ ਵਿੱਚ ਹਨ | ਹਾਲੀ ਦੇ ਵਿੱਚ ਸ਼ੂਟਿੰਗ ਦੌਰਾਨ ਉਹ ਜ਼ਖਮੀ ਹੋ ਗਏ ਜਿਸ ਕਰਕੇ ਸ਼ੂਟਿੰਗ ਉੱਥੇ ਹੀ ਰੋਕ ਦਿੱਤੀ ਗਈ ਸੀ | ਤੇ ਹੁਣ ਇੱਕ ਨਵਾਂ ਵਿਵਾਦ ਖੜ੍ਹਾ ਹੋ ਗਿਆ ਹੈ ਦਰਅਸਲ, ਪੰਜਾਬੀ ਫਿਲਮ ਸ਼ੇਰਾ ਦੀ ਸ਼ੂਟਿੰਗ ਅੰਬਾਲਾ ਦੇ ਵਿੱਚ ਚੱਲ ਰਹੀ ਸੀ ਜੋ ਕਿ ਆਰਮੀ ਏਰੀਆ ਵਿੱਚ ਬਿਨ੍ਹਾਂ ਇਜਾਜ਼ਤ ਦੇ ਕੀਤੀ ਜਾ ਰਹੀ ਹੈ ਤੇ ਹੁਣ ਇਹ ਮੁੱਦਾ ਸੁਰੱਖਿਆ ਤੱਕ ਪਹੁੰਚ ਗਿਆ ਹੈ। ਇਸ ਦੌਰਾਨ, ਛਾਉਣੀ ਬੋਰਡ ਦੀ ਟੀਮ ਨੇ ਫਿਲਮ ਨਿਰਮਾਤਾਵਾਂ ‘ਤੇ 40,000 ਰੁਪਏ ਦਾ ਜ਼ੁਰਮਾਨਾ ਲਗਾ ਦਿੱਤਾ ਹੈ। ਦੱਸ ਦਈਏ ਕਿ ਪੰਜਾਬੀ ਅਦਾਕਾਰ ਪਰਮੀਸ਼ ਵਰਮਾ ਫਿਲਮ ਵਿੱਚ ਮੁੱਖ ਭੂਮਿਕਾ ਨਿਭਾ ਰਹੇ ਹਨ ।
ਬਿਨ੍ਹਾਂ ਇਜਾਜ਼ਤ ਤੋਂ ਚੱਲ ਰਹੀ ਸੀ ਸ਼ੂਟਿੰਗ
ਅੰਬਾਲਾ ਦੇ ਆਰਮੀ ਏਰੀਆ ਵਿੱਚ ਸਥਿਤ ਇੱਕ ਬੰਗਲੇ ਵਿੱਚ ਬਿਨ੍ਹਾਂ ਇਜਾਜ਼ਤ ਤੋਂ ਚੱਲ ਰਹੀ ਪੰਜਾਬੀ ਫਿਲਮ ਦੀ ਸ਼ੂਟਿੰਗ ‘ਤੇ ਛਾਉਣੀ ਬੋਰਡ ਨੇ ਪ੍ਰਤੀ ਦਿਨ 10,000 ਰੁਪਏ ਦਾ ਜ਼ੁਰਮਾਨਾ ਲਗਾਇਆ ਹੈ। ਦਰਅਸਲ, ਇਹ ਸ਼ੂਟਿੰਗ ਪਿਛਲੇ 4 ਦਿਨਾਂ ਤੋਂ ਅੰਬਾਲਾ ਵਿੱਚ ਚੱਲ ਰਹੀ ਸੀ, ਜਿਸ ਲਈ ਫਿਲਮ ਨਿਰਮਾਤਾ ਅਤੇ ਨਿਰਦੇਸ਼ਕ ਨੇ ਛਾਉਣੀ ਬੋਰਡ ਅਤੇ ਸਿਵਲ ਪ੍ਰਸ਼ਾਸਨ ਤੋਂ ਕੋਈ ਇਜਾਜ਼ਤ ਨਹੀਂ ਲਈ ਸੀ। ਇਨ੍ਹਾਂ ਚਾਰ ਦਿਨਾਂ ਦੌਰਾਨ, ਇੱਕ ਪਾਸੇ ਬੰਗਲੇ ਦੇ ਬਾਹਰ ਗਾਰਡ ਤਾਇਨਾਤ ਸਨ ਅਤੇ ਦੂਜੇ ਪਾਸੇ ਆਵਾਜਾਈ ਵੀ ਪ੍ਰਭਾਵਿਤ ਹੋਈ ਸੀ, ਇਸ ਨੂੰ ਧਿਆਨ ਵਿੱਚ ਰੱਖਦੇ ਹੋਏ, ਇਹ ਜ਼ੁਰਮਾਨਾ ਲਗਾਇਆ ਗਿਆ ਹੈ। ਜਾਣਕਾਰੀ ਅਨੁਸਾਰ ਛਾਉਣੀ ਬੋਰਡ ਦੇ ਮੈਂਬਰ ਅਜੇ ਬਵੇਜਾ ਨੇ ਕਿਹਾ ਕਿ ਉਨ੍ਹਾਂ ਨੂੰ ਸੂਚਨਾ ਮਿਲੀ ਸੀ ਕਿ ਮਾਲ ਰੋਡ ਸੈੱਟ ‘ਤੇ ਇੱਕ ਬੰਗਲੇ ਵਿੱਚ ਸ਼ੂਟਿੰਗ ਚੱਲ ਰਹੀ ਹੈ ਜਿਸ ਵਿੱਚ ਪੰਜਾਬੀ ਕਲਾਕਾਰ ਪਰਮੀਸ਼ ਵਰਮਾ ਮੌਜੂਦ ਸਨ। ਜਿਸ ਲਈ ਕਿਸੇ ਵੀ ਤਰ੍ਹਾਂ ਦੀ ਇਜਾਜ਼ਤ ਨਹੀਂ ਲਈ ਗਈ ਸੀ ਅਤੇ ਬਾਹਰ ਬਣੀਆਂ ਸਹੂਲਤਾਂ ਨੂੰ ਦੇਖਦੇ ਹੋਏ, ਬਿਲਡਰ ‘ਤੇ ਪ੍ਰਤੀ ਦਿਨ ₹10,000 ਦਾ ਜੁਰਮਾਨਾ ਲਗਾਇਆ ਗਿਆ ਹੈ। ਜਿਸਦਾ ਮਤਲਬ ਹੈ ਕਿ ਕੁੱਲ ₹40,000 ਦਾ ਜੁਰਮਾਨਾ ਲਗਾਇਆ ਗਿਆ ਹੈ।
ਫੋਟੋਗ੍ਰਾਫੀ ਤੇ ਡਰੋਨ ਉਡਾਉਣ ‘ਤੇ ਸਖ਼ਤ ਪਾਬੰਦੀ
ਦਰਅਸਲ, ਅੰਬਾਲਾ ਛਾਉਣੀ ਨੂੰ ਸੁਰੱਖਿਆ ਦੇ ਦ੍ਰਿਸ਼ਟੀਕੋਣ ਤੋਂ ਇੱਕ ਸੰਵੇਦਨਸ਼ੀਲ ਇਲਾਕਾ ਮੰਨਿਆ ਜਾਂਦਾ ਹੈ, ਕਿਉਂਕਿ ਫੌਜ ਖੇਤਰ ਤੋਂ ਇਲਾਵਾ, ਇੱਥੇ ਕਈ ਹੋਰ ਮਹੱਤਵਪੂਰਨ ਅਤੇ ਸੰਵੇਦਨਸ਼ੀਲ ਦਫ਼ਤਰ ਵੀ ਮੌਜੂਦ ਹਨ। ਇੱਥੇ ਕਿਸੇ ਵੀ ਤਰ੍ਹਾਂ ਦੀ ਫੋਟੋਗ੍ਰਾਫੀ, ਵੀਡੀਓਗ੍ਰਾਫੀ ਅਤੇ ਡਰੋਨ ਉਡਾਉਣ ‘ਤੇ ਸਖ਼ਤ ਪਾਬੰਦੀ ਦੇ ਹੁਕਮ ਹਨ। ਅਜਿਹੀ ਸਥਿਤੀ ਵਿੱਚ, ਇਹ ਨਿਯਮ ਫਿਲਮ ਦੀ ਸ਼ੂਟਿੰਗ ‘ਤੇ ਵੀ ਲਾਗੂ ਹੁੰਦੇ ਹਨ।
