ਹਿਮਾਚਲ ਪ੍ਰਦੇਸ਼ ਦੇ ਕਿੰਨੌਰ ਜ਼ਿਲ੍ਹੇ ਵਿੱਚ ਵੀਰਵਾਰ ਰਾਤ ਭਾਰੀ ਮੀਂਹ ਪਿਆ। ਕਿੰਨੌਰ ਦੇ ਚੋਲਿੰਗ ਵਿੱਚ ਮੀਂਹ ਤੋਂ ਬਾਅਦ ਮਲਬਾ ਨੈਸ਼ਨਲ ਹਾਈਵੇ ‘ਤੇ ਆ ਗਿਆ। ਦੋ ਗੱਡੀਆਂ ਮਲਬੇ ਹੇਠਾਂ ਦੱਬ ਗਈਆਂ। ਸੂਬੇ ਵਿੱਚ 49 ਸੜਕਾਂ ਬੰਦ ਹਨ। ਉੱਧਰ, ਉੱਤਰ ਪ੍ਰਦੇਸ਼ ਵਿੱਚ ਸ਼ੁੱਕਰਵਾਰ ਸਵੇਰੇ 3 ਵਜੇ ਲਖਨਊ, ਬਾਰਾਬੰਕੀ, ਉੰਨਾਓ, ਜਾਲੌਨ ਸਮੇਤ 5 ਸ਼ਹਿਰਾਂ ਵਿੱਚ ਮੀਂਹ ਪਿਆ। ਪਾਣੀ ਘਰਾਂ ਵਿੱਚ ਦਾਖ਼ਲ ਹੋ ਗਿਆ। ਗੁਜਰਾਤ ਦੇ ਵਲਸਾਡ ਵਿੱਚ ਸੜਕਾਂ ਪਾਣੀ ਵਿੱਚ ਡੁੱਬ ਗਈਆਂ ਅਤੇ ਗੱਡੀਆਂ ਚਲਦਿਆਂ-ਚਲਦਿਆਂ ਬੰਦ ਹੋ ਗਈਆਂ। ਮੱਧ ਪ੍ਰਦੇਸ਼ ਵਿੱਚ ਮਾਨਸੂਨ ਸਿਰਫ਼ 9 ਦਿਨਾਂ ਵਿੱਚ ਹੀ ਪੂਰੇ ਸੂਬੇ ਵਿੱਚ ਫੈਲ ਗਿਆ। ਧਾਰ, ਬੜਵਾਨੀ, ਖਰਗੋਨ ਅਤੇ ਦੇਵਾਸ ਵਿੱਚ ਅਗਲੇ 24 ਘੰਟਿਆਂ ਦੌਰਾਨ 4 ਤੋਂ 8 ਇੰਚ ਤੱਕ ਮੀਂਹ ਪੈਣ ਦਾ ਅਨੁਮਾਨ ਹੈ। ਉੱਜੈਨ ਵਿੱਚ ਸ਼ਿਪਰਾ ਦਰਿਆ ਦਾ ਜਲ ਪੱਧਰ ਵੱਧਣ ਕਾਰਨ ਰਾਮ ਘਾਟ ਨੇੜੇ ਮੰਦਰ ਪਾਣੀ ਵਿੱਚ ਡੁੱਬ ਗਏ। ਰਾਜਸਥਾਨ ਦੇ ਜੈਪੁਰ ਵਿੱਚ ਪਿਛਲੇ 2 ਦਿਨਾਂ ਤੋਂ ਰੁਕ-ਰੁਕ ਕੇ ਮੀਂਹ ਪੈ ਰਿਹਾ ਹੈ। ਮੌਸਮ ਵਿਭਾਗ ਨੇ ਸ਼ੁੱਕਰਵਾਰ ਲਈ ਵੀ ਕੋਟਾ, ਬਾਰਾਂ ਅਤੇ ਝਾਲਾਵਾੜ ਵਿੱਚ ਭਾਰੀ ਮੀਂਹ ਦਾ ਅਲਰਟ ਜਾਰੀ ਕੀਤਾ ਹੈ।
ਉੱਤਰਾਖੰਡ ਦੇ ਰੁਦ੍ਰਪ੍ਰਯਾਗ, ਚਮੋਲੀ ਸਮੇਤ ਕਈ ਜ਼ਿਲ੍ਹਿਆਂ ਵਿੱਚ ਭੂਸਖਲਨ ਕਾਰਨ ਸੜਕਾਂ ਬੰਦ ਹੋ ਗਈਆਂ ਹਨ। ਬਦਰੀਨਾਥ ਅਤੇ ਕੇਦਾਰਨਾਥ ਹਾਈਵੇ ‘ਤੇ ਲਗਾਤਾਰ ਪੱਥਰ ਡਿੱਗ ਰਹੇ ਹਨ। ਸੁਰੱਖਿਆ ਦੇ ਮੱਦੇਨਜ਼ਰ ਕੇਦਾਰਨਾਥ ਯਾਤਰਾ ਫਿਲਹਾਲ ਰੋਕ ਦਿੱਤੀ ਗਈ ਹੈ।
